അടൂരിന്‍റെ പുതിയ ചിത്രത്തില്‍ നായകന്‍ മമ്മൂട്ടി
PRO
2011 ഓഗസ്റ്റിലാണ് അടൂര്‍ ഗോപാലകൃഷ്ണന്‍ തന്‍റെ പുതിയ സിനിമ ആരംഭിക്കുന്നത്. ഈ സിനിമയില്‍ മമ്മൂട്ടി നായകനാകുന്ന വിവരം അടൂര്‍ തന്നെയാണ് വെളിപ്പെടുത്തിയത്. ഇതൊരു രാഷ്ട്രീയ സിനിമയായിരിക്കുമെന്നാണ് സൂചന. നീണ്ട ഇടവേളയ്ക്ക് ശേഷം അടൂരും മമ്മൂട്ടിയും ഒന്നിക്കുമ്പോള്‍ ലോകോത്തരമായ ഒരു സൃഷ്ടിയാണ് ഏവരും പ്രതീക്ഷിക്കുന്നത്.
“എനിക്ക് വളരെയേറെ ഇഷ്ടമുള്ള ഒരാക്ടറാണ് മമ്മൂട്ടി. കെ ജി ജോര്‍ജിന്‍റെ ‘മേള’യില്‍ കണ്ടതുമുതല്‍ തുടങ്ങിയ ഇഷ്ടമാണ്. എന്നാല്‍ അദ്ദേഹത്തെ ഇഷ്ടമുണ്ടെന്നു കരുതി അദ്ദേഹത്തിന് യോജിക്കാത്ത ഒരു കഥാപാത്രത്തിനായി കാസ്റ്റ് ചെയ്യില്ലല്ലോ. ഓരോ ചിത്രവും ഓരോ വെല്ലുവിളിയാണ്. എന്തായാലും ഓഗസ്റ്റില്‍ ആരംഭിക്കുന്ന എന്‍റെ ചിത്രത്തില്‍ മമ്മൂട്ടിയുണ്ട്” - ഒരു സിനിമാ വാരികയ്ക്ക് അനുവദിച്ച അഭിമുഖത്തില്‍ അടൂര്‍ വെളിപ്പെടുത്തി.
അനന്തരം, മതിലുകള്‍, വിധേയന്‍ എന്നിവയാണ് മമ്മൂട്ടിയെ നായകനാക്കി അടൂര്‍ സംവിധാനം ചെയ്ത ചിത്രങ്ങള്‍. ഈ സിനിമകളിലെ അഭിനയത്തിന് ദേശീയ പുരസ്കാരങ്ങള്‍ ഉള്‍പ്പടെ ഒട്ടേറെ ബഹുമതികള്‍ മമ്മൂട്ടിക്ക് ലഭിച്ചിട്ടുണ്ട്.
0 comments:
Post a Comment