ആരായിരിക്കും ഈ വര്‍ഷം മലയാള സിനിമയുടെ വിജയ നക്ഷത്രമാകാന്‍ പോകുന്നത്. താരങ്ങളുടെ പ്രൊജക്ടുകള്‍ വിശകലനം ചെയ്തുകൊണ്ട് ഒരു പ്രവചനം.
 |
യുവതാരങ്ങളില്‍ ഏറ്റവും ശ്രദ്ധേയന്‍. പ്രൊജക്ടുകള്‍ തെരഞ്ഞെടുക്കുന്നതിലെ കൃത്യത കൊണ്ട് വ്യത്യസ്തന്‍. സാള്‍ട്ട് ആന്‍റ് പെപ്പര്‍, വയലിന്‍, ഇത് നമ്മുടെ കഥ തുടങ്ങിയ പ്രതീക്ഷയുള്ള പ്രൊജക്ടുകളാണ് ആസിഫിന് ഈ വര്‍ഷമുള്ളത്. ട്രാഫിക്കില്‍ മികച്ച കഥാപാത്രത്തെ അവതരിപ്പിച്ച് വര്‍ഷാരംഭം തന്നെ ശ്രദ്ധേയനായി ആസിഫ്.
 |
കൂടുതല്‍ പ്ലാനിംഗോടെയാണ് ഈ വര്‍ഷം മുകേഷ് നീങ്ങുന്നത്. ഹരിഹര്‍ നഗര്‍ സീരീസിലെ നാലാമത്തെ ചിത്രം ഈ വര്‍ഷമുണ്ടെന്ന് സൂചനയുണ്ട്. ‘ഞാന്‍ ബിസിയാ’ എന്നൊരു ചിത്രം മുകേഷ് നിര്‍മ്മിക്കുന്നുണ്ട്. ഭൂലോക രാജാക്കന്‍‌മാര്‍ സ്പീക്കിംഗ്, മാജിക് തുടങ്ങിയ സിനിമകളിലും മോഹന്‍ലാലുമായി ചേര്‍ന്ന് നാടക സംരംഭങ്ങളും ഈ വര്‍ഷം മുകേഷിന്‍റേതായുണ്ട്.
 |
വ്യത്യസ്തമായ അപ്പിയറന്‍സിലൂടെ എന്നും കൌതുകം നല്‍കുന്ന ജയസൂര്യ ഈ വര്‍ഷവും അത് തുടരും. ത്രീ കിംഗ്സ് എന്ന ചിത്രത്തിലെ ജയസൂര്യയുടെ ഹെയര്‍സ്റ്റൈല്‍ സംസാരവിഷയമായിക്കഴിഞ്ഞു. ട്രാക്ക് വിത്ത് റഹ്‌മാന്‍, പയ്യന്‍സ്, ജനപ്രിയന്‍ തുടങ്ങിയവയാണ് ഈ വര്‍ഷം ജയസൂര്യയുടെ പ്രതീക്ഷകള്‍.
 |
പൊലീസ് കഥാപാത്രങ്ങളാണ് സുരേഷ് ഗോപിയില്‍ നിന്ന് പ്രേക്ഷകര്‍ പ്രതീക്ഷിക്കുന്നത്. ഈ വര്‍ഷം ‘ഭരത്ചന്ദ്രന്‍’ തിരികെയെത്തും. കിംഗ് ആന്‍റ് ദി കമ്മീഷണര്‍ എന്ന ചിത്രത്തിലെ ഭരത്ചന്ദ്രന്‍ ഐ പി എസ് എന്ന കഥാപാത്രത്തിലൂടെ സുരേഷ്ഗോപി തരംഗം വീണ്ടുമുണ്ടാകാന്‍ സാധ്യത. രണ്‍ജി പണിക്കരുടെ ജഡ്ജുമെന്‍റ് ഡേ, ജോഷിയുടെ ക്രിസ്ത്യന്‍ ബ്രദേഴ്സ് എന്നിവയും സുരേഷ് ഗോപിയുടെ ഈ വര്‍ഷത്തെ മെഗാഹിറ്റ് പ്രതീക്ഷകളാണ്.
 |
കഴിഞ്ഞ വര്‍ഷം വേണ്ടത്ര മുന്നേറാന്‍ കഴിയാതിരുന്ന പൃഥ്വിരാജിന് ഈ വര്‍ഷം ആശാവഹമാണ്. അര്‍ജുനന്‍ സാക്ഷി, സിറ്റി ഓഫ് ഗോഡ്, മാണിക്യക്കല്ല് എന്നിവയാണ് പ്രതീക്ഷകള്‍. പൃഥ്വി തന്നെ നിര്‍മ്മിക്കുന്ന ബിഗ്ബജറ്റ് സിനിമ ഉറുമി മലയാള സിനിമാലോകം കാത്തിരിക്കുന്ന ചിത്രമാണ്.
 |
ട്രാഫിക്കിലൂടെ ചാക്കോച്ചന്‍ തുടക്കമിട്ടുകഴിഞ്ഞു. റേസ്, ത്രീ കിംഗ്സ്, സീനിയേഴ്സ് തുടങ്ങിയവയാണ് കുഞ്ചാക്കോ ബോബന്‍റെ ഈ വര്‍ഷത്തെ ഹിറ്റ് പ്രതീക്ഷകള്‍.
 |
കഴിഞ്ഞ വര്‍ഷം ഹാപ്പി ഹസ്ബന്‍ഡ്സ്, കഥ തുടരുന്നു എന്നീ സിനിമകളിലൂടെ കുടുംബ പ്രേക്ഷകരെ കൈയിലെടുത്ത ജയറാം ഈ വര്‍ഷവും ലക്‍ഷ്യം വയ്ക്കുന്നത് കുടുംബങ്ങളെത്തന്നെയാണ്. കുടുംബശ്രീ ട്രാവല്‍‌സ്, ചൈനാ ടൌണ്‍, മേക്കപ് മാന്‍, സീനിയേഴ്സ് എന്നിവയാണ് ജയറാമിന്‍റെ ഈ വര്‍ഷത്തെ വിഭവങ്ങള്‍.
 |
കഴിഞ്ഞ വര്‍ഷം അടക്കിഭരിച്ച ദിലീപ് ഈ വര്‍ഷവും വ്യത്യസ്തവും രസകരവുമായ മികച്ച പ്രൊജക്ടുകളുമായാണ് എത്തുന്നത്. ക്രിസ്ത്യന്‍ ബ്രദേഴ്സ്, ഫിലിം സ്റ്റാര്‍, അരക്കള്ളന്‍ മുക്കാല്‍ക്കള്ളന്‍, ചൈനാ ടൌണ്‍, ഓര്‍മ മാത്രം, വാളയാര്‍ പരമശിവം, മിസ്റ്റര്‍ മരുമകന്‍ എന്നിവയാണ് ഈ വര്‍ഷം ദിലീപ് അഭിനയിക്കുന്ന സിനിമകള്‍.
 |
കഴിഞ്ഞ വര്‍ഷം പ്രാഞ്ചിയേട്ടനെ തന്ന മമ്മൂട്ടി ഈ വര്‍ഷവും മികച്ച സിനിമകളുടെ ഭാഗമാകുന്നു. ഓഗസ്റ്റ് ഒന്ന്, ഡബിള്‍സ്, കിംഗ് ആന്‍റ് ദി കമ്മീഷണര്‍, അരക്കള്ളന്‍ മുക്കാല്‍ക്കള്ളന്‍ എന്നിവ ഈ വര്‍ഷം മമ്മൂട്ടിയുടെ മെഗാഹിറ്റ് സ്വപ്നങ്ങളാണ്. മമ്മൂട്ടി തന്നെ നിര്‍മ്മിക്കുന്ന മതിലുകള്‍ക്കപ്പുറവും രഞ്ജിത്തിന്‍റെ തിരക്കഥയിലൊരുങ്ങുന്ന രാവ് മായുമ്പോള്‍ എന്ന സിനിമയും മമ്മൂട്ടിയിലെ നടന് വെല്ലുവിളിയുയര്‍ത്തുന്ന സിനിമകളായിരിക്കും.
 |
മോഹന്‍ലാലിന്‍റെ വര്‍ഷമായി 2011 മാറാനുള്ള സാധ്യതകളാണ് കാണാനാവുന്നത്. വമ്പന്‍ പ്രൊജക്ടുകളും കൌതുകമുണര്‍ത്തുന്ന കോമ്പിനേഷനുകളും ലാല്‍ ഈ വര്‍ഷം പരീക്ഷിക്കുന്നു. ക്രിസ്ത്യന്‍ ബ്രദേഴ്സ്, കാസനോവ, ചൈനാ ടൌണ്‍ എന്നിവയെ ഷുവര്‍ ഹിറ്റ് വിഭാഗത്തില്‍ പെടുത്താം. സത്യന്‍ അന്തിക്കാടിന്‍റെ ജീവിതരാഗമാണ് മോഹന്‍ലാലിന്‍റെ ഒരു പ്രധാന ചിത്രം. പ്രിയദര്‍ശന്‍, ബ്ലെസി, ലാല്‍ ജോസ് എന്നിവരുടെ സിനിമകളും ഈ വര്‍ഷം മോഹന്‍ലാലിന്‍റേതായി റിലീസാകും.
0 comments:
Post a Comment